Tolosaldean

Elikagaien ekoizpena gainbehera handia jasaten ari da azken hamarkadatan. Kontsumo ohituretan eragin, ekoizleen lan eta soldata duinak lortzeko oinarria jarri eta agroekologikoaren bidetik elikadura jasangarria aldarrikatzen dugu.

Zaintza

Lurraren eta pertsonen zaintzan oinarritutako elikadura aldarrikatzen dugu, egungo merkatuaren logikatik atera eta jaki osasuntsuak herritar guztien eskura egon daitezen.

Sarea

Kontsumoa eta ekoizpena kolektiboki antolatzeko apustua egin dugu, eta baita gurearen antzerako proiektuekin saretzekoa ere.

Denda-kooperatiboa

Kontsumoa kolektiboki antolatzeko gunea, denda fisikoa eta eskualdeko bestelako proiektu eta dendei begirako biltegia izango da. Ekoizleak, langileak, kooperatzaileak eta kolaboratzaileak bilduko dira bertan.

Elikadura

Esaten da gutako bakoitzak egunean, gutxienez, hiru ekintza politiko egiten dituela: gosaldu, bazkaldu eta afaldu. Horregatik, elikadura osasuntsuaz ari garenean, oinarri ekologikoak, ekonomikoak, sozialak eta politikoak orekatzen dituen elikadura sistemaren bidez garatu daitekeen herri ereduaz ari gara.

Ekoizpen kolektiboa

Eskualdeko egungo ekoizpenak ez ditu kontsumo beharrak asetzen. Gainera, ekoizpen agroekologikoak garatzeko ezinbestekoa da merkatuaren lehiakortasunetik ateratzea, ekoizleak kolektiboki antolatzea eta elkarren arteko sareak sortzea.

Beraz, proiektuarekin bat egiten duten ekoizleen ekoizpena antolatzeaz gain, alternatiba eraldatzaileak martxan jartzeko hautua egiten dugu, esaterako, ekoizpen kolektiboak bultzatuz.